Glosa Wiki
Advertisement
Un afrika cefa
ex William Cullen Bryant, 1825
ge-translati ex Gary Miller

Pe pote detekti un histori de un Afrika cefa, ge-komunika per u-ci kanta, topo Afrika Stora-lo de meno-4, 1825. U tema de id es u milita-an de grandi soma, u sibi de Yaradi, un an-regi de landa Solima. An pa gene kapta tem milita, plus pa gene duce per katena te gene vendo topo civita Fluvi Pongas, topo an gene monstra topo marketa, tem plu tarsu habe plu orna ex ponde zono ex kriso, an pa fero, kron an gene kapti. U nega ex kapti-an; an audi de an ofere de libe paga, sti; an gene es rabi. Po-co an morta iso u rabi-pe.

An ko katena in market-- un andro, u giganti
In meso de u miria, qi fobo an nomina--
Ko forti vist e dina braki, sta e vid a geo.
So ko silento mu du skop-- an feno es u leo.

Ko van u cefa pa milita-- mu ge-kapti-pe la--
Sed lose ne bombasti vista ep auto fronta.
Plu seka epi an toraci monstra an koragi.
An es u regi fili, sed an ne es u dulo.

Kron ad u kapti-pe an dic, "U regi es mi fratri.
Sti apo u-ci kola zona e mi karpu orna,
E bali mi a fratri landa, kron mi ple tu manu
Per poli Elefanti dent e kriso ex gra-landa."

"Ne kambi tu plu dent e kriso, mi fu dona libe.
Tu hema manu zero kron fu tena u plus lance.
U paga, ne tu landa habe, es u libe preci.
So tu fu es de Kristo-pe, qi eko trans u mari."

Po-co u cefa fo-petiti; seku plu kapila.
Oligo ponde plekto kade, ante vikto-an la.
Ta dens e longi es plu plekto, intra mu ge-kripti
Es poli scinti kriso mero inter an plu ciru.

"Sti vide per avari oku plu fo-nece mero.
Sti prende, ka tu nec u preci. Dice; mi es libe.
Sti prende, ka mi gina ko lakrim atende mi la.
Plu juv infanti linqi sport e qesti de u papa."

"Mi prende kriso, anti-co tu plu katena resta.
Mi doxo infra umbra dendro; fe fu long atende."
Ta forti es un algo, qi seiso an skeleto,
Kron u bombasti in an faci mut a morta fobo.

An menta fali, gen es rab-- in oku es ge-vide.
An forti tira plu katena ko lakrim e ridi,
Sed brevi fero plu katen. U di kron gene fini.
Mu tira an ad u litora, sito pro Hieni.

Advertisement