Ave Maria Purisima! Mo bi e semi horo, e u qietu noktu!"
U noktu-guarda; qi pa nece voci u-ci dia plu via de urba; pa du akti u-ci, kron u gina de mila-pe e u Korregidor, epi asini de mila-pe, Senor Juan Lopez epi auto mula, e bi gresi polica-an, veni a porta de Korregidora domi.
U porta pa es ge-klude.
Id pa feno komo si panto-ra es ge-fini pro di, pro krati e pro demo.
"U-ci es mali" puta Garduna.
E an pa tipo u porta bi alo tri kron.
Pa es u longi pausa, sed nuli-pe pa aperi u porta alo reakti a tipo.
Sena Frasquita pa esce fo palida.
U Koregidora pa morda panto digi ungu kausa an emotio.
Nuli-pe pa dice mo verba.
Pum! Pum! Pum! Bi-la polica-an e Senor Juan Lopez tipo itera epi Koregidora porta. Nuli-ra pa acide. Nuli-pe pa reakti. U porta pa resta ge-klude. Ne klu u muska pa kine. U solo soni pa es u-la de kade aqa in fonta in korta intra domi.
Plu minuta pasa, pa feno komo fo-longi tem.
A fini, cirka mo horo, u mikro fenestra epi pedi-lo bi aperi, e u gina voka dice:
"Id es qo-pe?"
"U-la es kura-fe de plu infanti" murmuro Garduna.
"Id es mi!" responde Don Eugenio de Zuniga. "Aperi u porta!"
Pa es u brevi pausa.
"E tu es qo-pe?" repli u kura-fe.
"Qe, tu ne pote audi mi? Mi es u maestro de domi, u Koregidora!" Pa es u plus pausa.
"Ki ab, e boni noktu a tu!" repli u boni gina. "Mi maestro pa veni in domi mo horo retro; e pa ki imedia a kli. Tu plus kli se; e sopo ab vina, tu es ple de!"
E fe pa klude viole u fenestra.
