Mi pa cerka u simpli bio

Mi pa cerka u simpli bio Vicente Costalago

Mi pa cerka u simpli bio,
mi pa cerka ne es ge-tensio,
mi pa cerka, sed id pa feno
es in un hetero dimensio.

Mi pa cerka u pluto,
ka mi pa kredi,
ke hedo pa es la,
ke penia pa es, te es hedo,
un impedi.

Sed mi pa trova pluto,
e u-ci melankoli,
ne pa abandona me,
mi pa resta tauto.

Mi pa cerka un hedo,
in plu festa,
id pa feno manifesta,
ke la mi pa trova un hedo;
sed tristi pa edo
mi,
ka-co la, mi no pa resta.

Mi cerka u simpli bio,
ka in u simpli bio mi ski
ke mi fu trova un hedo,
in un horario,
in u bio minus anxio,
in u bio akorda mi versio
de qod es hedo,
minus voracio.

Sed, qo-lo mi pa trova un hedo?
Mi pa trova un hedo,
in u sol ke ki ex singu matina,
in u fono de plu ave ke kanta,
in u luna, tanto brilianta,
ke, singu nokte in u cele, feno.

Mi pa habe un hedo antero mi,
mi ne pa nece cerka id,
sed vive id.