Marko Aurelio Antonino | |
Ge-nati | 26 M4 121 |
Ge-morta | 17 M3 180 |
Profesio |
Marko Aurelio Antonino (0121-04-26 a 0180-03-17) pa es Roma imperi-pe anua 161 a 180. An habe arki ko Lucio Vero iso kon-imperi-pe anua 161 a morta de Vero kron anua 169. An pa es u fini ex penta boni imperi-pe. Plus-co pe este; an es mono ex maxi gravi fili-sofi-pe Stoika. Un arti de Marko Aurelio, u bibli Plu Reflekti Puta; ge-grafo per Elada lingua tem milita itinera inter bi anua 170-180, habe lauda a nu-tem. U bibli es un exempla de u mode; per qi Aurelio proxi gene es un idea de Plato de filo-sofi regi-pe, plus per qi an es u signa de panto-ra; qi habe maxi boni de Roma imperi-natio.
Holo arki-tem milita[]
Kron proto de arki tem, un imperi-lo, de bi-arki de Marko e Lucio Vero, akti milita anti un itera imperi-lo de Partia anua 161-166. Un imperi-lo ne pre vide plu mega seqe. Plu arme-pe; qi kine a versi, moti ko se u pato (ko nomina Antonino); qi pa posi es u pato Variola. U ra fu sti morta proxi penta miliona nomi, e forti sti debili u-la imperi-lo.
Aurelio ankti milita anti plu demo Germani anua 166 a 180. Un opresi de Germani demo Goti sti; plu Germani demo kina a Roma tera Galia e trans fluvi Tira (alo Danastro). U pato; qi forti mega akti anti un imperi-lo, sti debili u pote de reakti de Roma. U Germani demo Markomani kine a tera Italia; qi ne pa gene tali ra pre 200 anua. U demo gene u vikto anti persona arme de imperi-pe, PRAEFECTUS PRAETORIUS.
U-ci subito mali acide nece sti; Marko akti faski de arme-pe de plu margina tera. An bali mu anti demo Markomani. U Roma arme reakti a plu imperi de Klaudio Pompeiano, un an-fili de sposa de Marko, ko fu-tem imperi-pe Pertinaci, mo de an auxi-pe. Mu bali plu anti-pe ex tera Italia. Po-co Marko proto face plu skema de kine trans fluvi Tira a tera de mu.
U seqe es plu mega internatio negoti, tem plu Roma-pe tenta sti; plu hetero no-Roma demo volu sti prepara, tende kine trans fluvi Tira. U paci akorda gene plu nomina ko plu demo, tem plu hetero gene es plu ami de civita Roma. Anua 172, Marko gene u vikto anti plu Germani demo Markomani. Po-co anua 173 plu ami de mu, u Germani demo Qadi, pa lose vikto. Tem anua 174, plu Qadi gene es infra arki.
Marko kron gene u sto per un anti-lega milita lo est; ge-duce per Roma arme-duce pe Avidio Kassio. An lose vikto per arme de Marko. Po-co Marko kine itera a civita Roma. U vikto gene celebra kon an-fili Komodo.
Anua 177 u demo Qadi itera akti anti arki. Plus-co u demo Markomani akti ko mu. Marko kine a lo anua 178 meno 8. Po-co plu Roma-pe gene u mega vikto lo; qi nu es u natio Slovakia. Un imperi-pe Marko lose bio anua 180, tem an du akti milita anti plu demo Germani.
Plu vikto gene fini tem bi seqe anua. U-la habe sati, tende Komodo dice; an habe u merito de vikto. Plu milita pa gene akti per plu arme-duce pe.
Plu seqe[]
U milita pa sti ski de debili de nord margina de imperi-lo Roma. Po-co semi ex plu arme mero de Roma (16 ex 33) gene sta lo bi fluvi Tira e Reno. Pro plu demo Germani, anti mu lose vikto u-la tem, plu milita anti demo Markomani pa simpli es u proto. Po-co plu kine anti la tem bi anua 4 e 5 fini sto un uest mero de imperi-lo Roma.
Game e fili[]
Aurelio gene game a kusina mono Juve Faustina kron anua 145. Tem 30-anua game, Faustina dona 13 fili.
Solo mono an-fili e tetra fe-fili habe u ma mega bio-tem de an-parenta:
- Ania Aurelia Galeria Lucila (148/50–182), gene game a kon-imperi pe de an-parenta Lucio Vero.
- Ania Aurelia Fadila (159–po 211)
- Ania Cornificia Faustina Minor (160–po 211)
- Lucio Aurelio Comodo Antonino (Comodo) (161–192) gene es u seqe imperi-pe.
- Vibia Aurelia Sabina (170–lose bio pre 217)