1: U disputa inter Akileo e Agamemnon[]
Kanta, o Musa, de u koleri de Akileo, an-fili de Peleo. An koleri pa kausa mega sufero ad u Heleni arme e pa duce multi koragi milita-pe a morta. Panto-ci pa acide kausa u lukta inter Akileo, u maxi forti milita-pe, e Agamemnon, u duce-pe de u Heleni arme.
U plaga komence[]
Id p komence kron plu Heleni-pe pa atako u civita ge-nomina Krise, proxi Troia. Mu pa prende multi tresora, klu plu gina. Mo de plu gina, Kriseis, pa gene dona a Agamemnon. Sed u patri de Kriseis, Krise, pa es u prestra de Apolo, u teo de heli. An pa veni ad u Heleni kampu ko doro, e pa demanda an fe-fili.
Agamemnon pa refusa krudi an e pa expedi an. Ge-koleri e ge-insulta, Krise pa preka ad Apolo. Apolo pa audi an. An ki kata ex un urani e pa bali un ulio plaga ad u Heleni arme. Duranto nona di, plu andro e zoa pa du morta.
Akileo konfronta Agamemnon[]
In di 10, Akileo pa advoka un unio. An pa dice: "Na nece trova qo-ka plu teo es koleri". An pa demanda u profeta Kalka ke an pa dice u veri.
Kalkas pa dice: "Apolo es koleri ka Agamemnon pa insulta an prestra e ne pa dona versi Kreseis. Si an dona versi fe gratis e sti mo sakrifice, u plaga fu sto.
Agamemnon pa gene koleri. "Boni. Mi fu dona versi fe. Sed mi fu prende u hetero premi te vice id. Pso mi fu prende Breseis, u premi de Akileo". Akileo pa es furi. "Tu es avari e minus pude! Mi lukti tu plu batalia, sed tu prende mi premi? Mi ne fu lukta ma pro tu alo plu Elada-pe!"
Agamemnon pa dice: "Akti id! Sed mi fu prende Briseis".
Akileo pa ex-ki furi. An pa preka an matri, Tetis, u fe-mari-teo. An pa demanda ke fe roga Zeus, u regi de plu teo, ke an puni plu Elada-pe per lase plu Troia-pe vikto.
Tetis e Zeus[]
Tetis pa ki a Zeus. An pa sti memo an de u favo qi fe pa akti u longi tem pre e pa demanda ke an auxi fe fili Akileo. Fe pa volu ke plu Troia-pe vikto duranto u brevi tem te plu Elada-pe sio vide qanto mu nece Akileo.
Zeus ne pa volu gene implika in u lukta ko an fe-sponsa Hera, qi pa suporta plu Elada-pe. Sed an pa akorda. U-ci pa sti Hera furi. Fe pa disputa ko Zeus antero panto teo. Sed Hefesto, u teo de piro, pa kalma mu, e tosto plu teo pa du festa e ridi itera.