Mi kanta plu arma[1] e un andro[2] qi, ex plu litora de Troia, ge-bali ex landa per fortuna, pa veni u mo a Italia e a Lavinia litora, multe ge-bali per terra e mar per u volu de plu teo, per u no-ge-kompunge koleri de u krueli Juno; plus-co, multi in milita an pa pato, a-kron funda u civita e intra-duce plu teo[3] in Latia, ex to es u Latina popula, plu patri[4] de Alba Longa[5], e plu mura de alti Roma.
Musa, sti memo a mi de plu kausa, akti mali qo Teo spiritu o ge-algo ex qo u fe-regi de plu teo[6] pa sti sufero a u teo-pe[7], a konfronta tanto fatiga? Ta mega es u koleri de plu urani spiritu?
Un antiqi civita pa existe -ge-eko ex Tiro koloni-pe[8]- Kartago, antero Italia e tele[9] de plu buka de fluvi Tiber, pluto e u maxi feroci in zelo de milita; de qi Juno, id gene dice, kura[10] ma de plu hetero regio, klu ma de Samos[11]; la il pa es id plu arma, la id milita equs vagona; u fe-teo pretende e tenta ke id es u dina[12] pro plu etno, si uno-mode u fata permite id.
Plu refere[]
- ↑ plu arma: plu milita
- ↑ un andro: Aeneas
- ↑ plu teo: ex Troia
- ↑ plu patri: plu an-regi, ex qi Romulo, funda-pe de Roma, pa deskende
- ↑ Alba Longa: u civita ge-funda ex Ascanio, fili de Aeneas
- ↑ Fe-regi de plu teo: Juno.
- ↑ Teo-pe: U cefa qalita de Eneas - u cepti de id religio e famili debi.
- ↑ koloni-pe: Kartago pa gene koloni ex Tiro, u civita in Fenisia.
- ↑ tele: Kartago lo litora de nu-di Tunisia, a sud-uest de Italia e ge-separa de id ex u mari Meso-tera.
- ↑ kura: U fe-teo Astarte pa gene adora in Kartago, e id pa sembla Juno in plu qalita.
- ↑ Samos: U nesia in Mari Egeo, ge-ski ka id pa es u religio-do de Juno.
- ↑ dina: U centra de imperi.